Маларах пĕлтернĕччĕ ĕнтĕ, округра пĕр- чĕллĕ тата пăрçа йышши тĕш тырă культурисене мĕнпур лаптăкран — 10423 гектар çинчен пухса кĕртнĕ, пĕтĕмпе 35357 тонна тырă çапса илнĕ, вăтам тухăç пĕр гектар пуçне 34 центнерпа танлашать.
2132 гектар е планăн 101,2 проценчĕ чухлĕ кĕрхи тĕш тырă культурисем акса хăварнă.
180 гектар çинчен вăрлăхлăх рапс — пурĕ 126 тонна пуха кĕртнĕ.
10 гектар хĕрлĕ чĕкĕнтĕр кăларса пухнă — пурĕ 100 тонна.
Севок сухана 5 гектар çинчен 20 тонна кăларса илнĕ.
Хĕвелçаврăнăшне хальлĕхе 40 гектар ытла пухса кĕртнĕ, 1 гектар пуçне вăтам тухăç 19 центнерпа танлашнă.
Силослăх кукурузăна пĕтĕмпех вырса пухнă, вăрлăхлăх çапса илмелли «Кубнинский» хуçалăхра 43 гектар юлнă.
Октябрĕн 9-мĕшĕ тĕлне округĕпе 7010 гектар çĕртме сухи тунă. Ку ĕç малалла пырать.
Хуçалăхсем выльăх-чĕрлĕхе хĕл каçарма 7550 тонна (103,7 процент) утă, 20613 тонна (100 процент чухлĕ) сенаж тата 20143 тонна (107,4 процент) силос хатĕрлесе хунă.
Рулонланă улăм 1066 тонна пур.
