Регионăн управлени центрĕн ертӳçи Татьяна Немцева граждансенчен социаллă сетьсем, «Патшалăхăн пулăшу ĕçĕсем. Пĕрле татса паратпăр» платформи урлă йышăннă ыйтусемпе ĕçленипе паллаштарнă май, çулталăк пуçланнăранпа 9,4 пине яхăн пĕлтерӳ илнине пĕлтернĕ.
Ытларахăшĕ — Шупашкарта, Улатăрта, Çĕмĕрлере тата Канашра пурăнакансенчен. Граждансене çулсен юсавлăхĕпе, урам-картишне тирпейлессипе, ЖКХпа çыхăннă ыйтусем пăшăрхантараççĕ. Олег Николаев Чăваш Ен Пуçлăхĕ республикăра пурăнакансем цифра сервисĕ- семпе анлăрах усă курма пуçланине ырланă май вĕсен ыйтăвĕ- сене тĕплĕ тишкермелли çинчен асăрхаттарнă.
