Телевизор пăхатăн та, чылай çĕрте çанталăк лăпкă маррине куратăн: ăçта ял-хулана шыв илнĕ, ăçта пĕр каçрах çулсене юр хÿсе лартнă, ăçта çил-тăман алхасать е пăрлă çумăр çăвать... Хамăр патăрта акă юнкун каçхине çĕрĕпе тенĕ пекех çумăр çурĕ, юра ирĕлтерчĕ, çулсене пăрлантарчĕ, кĕçнерникун вара иртен пуçласах йĕпе юр йăскарĕ. Çавна май çулсем сĕлкĕш-ленчĕç, машинăна пăркаласшăн, суллантарасшăн. Инкек пуласси те çавăнтах. Çавăнпа çул-йĕрсене пăхса тăракансен вĕçĕмех тимлĕ пуласчĕ, йĕпе юр çума е çил-тăман шăлма чарăнасса кĕтсе тăрас марччĕ. Сыхланакана Турă та сыхлать, теççĕ. Çийĕнчех пурнăçласчĕ хамăрăн тивĕçе, нуша патне çитерес марччĕ. Тăрăшнăшăн, тимлĕ пулнăшăн çул çÿрекенсем, водительсем тав сăмахĕ калĕç.
Василий ИВАНОВ
