Шупашкарта 42 çулхи пĕр хĕрарăм иртнĕ çулхи октябрьте интернетра Кăнтăр Корея «актерĕпе» çыхăну тытма пуçланă.
Хайхискер ыр кăмăллăхĕпе палăрать иккен, çавна май Раççее япаласем ăсатма хатĕрленнĕ. Укçа-тенкĕ енчен хĕсĕннĕ пирки СШАри çуртне сутма тивнĕ, япалисене чикĕре тытса чарнă-мĕн.
Хĕрарăм 280 пин тенкĕ кредит илсе пулăшма васканă, укçине ыйтнă çĕре ăсатнă. «Шупашкара çитмелли кун» арçынран тепĕр çыру çитнĕ — хайхи 365 пин тенкĕ ыйтнă. Çакăн хыççăн тин куçĕ уçăлнă хĕрарăмăн.
