Тăвайри вăтам шкулта кĕрхи каникул вăхăтĕнче çутă кĕртессине вĕçленĕ — пур вĕренÿ класĕнче те, актовăй залра та, фойепе коридорсенче те энерги перекетлеме май паракан ку чухнехи лампăсем вырнаçтарнă.
«Пĕтĕмпе 3 миллион ытла тенкĕлĕх 805 единица çутă оборудованийĕ вырнаçтартăмăр»,— каласа парать шкул директорĕ Евгений Николаевич Моряков.
Çĕнĕ çутă тытăмĕ вĕренÿ процесĕшĕн хăтлă условисем туса парать: шкул ачисен куçĕсем çине тивекен нагрузкăна чакарать тата занятисенче тимлĕхе ÿстерет. Ĕçсене те шкула малтан юсанă чухне перекетленĕ укçа-тенкĕпе усă курса пурнăçланă. Кăçал шкулта 18,7 миллион тенкĕлĕх тĕп юсав тунă пулнă, чÿ- речесене, çивиттине, кĕнĕ çĕре улăштарнă. Çаксем пĕтĕмпех вĕренÿ условийĕсемпе шанчăклăхне лайăхлатма пулăшаççĕ.
