Çак кунсенче республикăри «Чувашия Ремесленная» конкурса пĕтĕмлетнĕ. 137 алă ĕçĕнчен 18 номинацире çĕнтерÿçĕсене палăртнă. Кунта илемлĕ шăрçасенчен эрешсем тăвассинчен пуçласа хăваран тĕрлĕ хатĕр çыхасси, чÿлмек тăвасси тата ытти енĕпе те кăтартнă пултарулăха.
Тăвай округĕнчен те хутшăннă ăсталăх конкурсне. 37 çĕнтерÿçĕ хушшинче Тăвайри культура çурчĕн декораципе прикладнăй искусство ĕçĕсен методистне Елена Сергеевана куратпăр. Вăл хĕрарăмсен капăрлăхĕсемпе, наци тĕррисемпе, хушпу-тухьясемпе паллаштарнă. Ăна малашне те ĕçре çитĕнÿ-сем, хавхалану сунатпăр.
