Республикăри следстви органĕ 52 çулти арçын тĕлĕшпе уголовлă ĕç пуçарнă, ăна террористсен организацийĕн ĕçне явăçма тăнăшăн айăплаççĕ.
Асăннă çын интернет-мессенджерсем урлă террористсен тĕнче шайĕнчи пĕр организацийĕн функционерĕсемпе çыхăну йĕркеленĕ, хăй çак организацин çул-йĕр-не, шухăш-кăмăлне ырланине, унăн йышне кĕме хатĕррине пĕлтернĕ. Çак тĕллевпе вăл çывăх хĕвелтухăç çĕршывĕсенчен пĕрне кайма шут тытнă. Анчах ăна Хусан аэропортĕн-че тытса чарнă. Следстви управленийĕнче хальхи вăхăтра асăннă çыннăн саккуна хирĕçле ĕçĕсене, преступленин ытти саманчĕсене туллин уçăмлатас, вĕсене документсемпе çирĕплетес ĕç пынине пĕлтернĕ ФХСăн регионти управленийĕн официаллă представителĕ.
