90 çул Тăвай енпе тан утать хаçатăмăр. Ячĕ-шывĕ те темиçе хутчен улшăннă, çавах унăн пĕлтерĕшĕ чакман. Епле пултăр-ха район «Ял ĕçченĕ» хаçатсăр? Кашни номерĕ тĕкĕр пек, кулленхи паха пулăмсем, предприятисен ĕçченĕсем, хисеплĕ çынсем çинчен каласа парать. Унăн страницисенче медицина работникĕсен статйисене, сывлăха упрама тĕрлĕ усăллă канашсем тупатпăр.
ĕлĕхĕсене, пенси фончĕн усăллă информацийĕсене тата РФ гражданĕсене пĕлме ытти пĕлтерĕшлĕ статьясем пичетлесе кăлараççĕ. «Ял ĕçченĕ» урлă тăвансене, çывăх юлташсене, пĕлĕшсене саламлама май пур. Вăл пирĕн ялсен, çавăн пекех пĕтĕм округри ĕç-хĕле палăртать, республика хыпарĕсене пĕлтерет. Хаçатран çынсем тата ытти интереслĕ информаци илеççĕ. Апла пулсан, хаçат обществăшăн информаци çăлкуçĕ пек кирлĕ.
Хаçата манăн аттепе анне çырăнса илнĕ, хам пĕр çул та çырăнмасăр юлман. Кашни номере вулатăп. Хамăр таврари сăвăçсен хайлавĕ-семпе хавхаланатăп. Ачасемпе, çамрăксемпе ĕçленĕ май кирлĕ таврапĕлÿ материалĕсене пухса пыратăп.
Палăртса хăварас пулать, юлашки вăхăтра район хаçачĕ лайăх енне улшăннă. Тĕрлĕ рубрикăпа кăткăс статьясем пичетленеççĕ. Ку ман шухăш çеç мар, пирĕн территори уйрăмĕнче пурăнакансенчен нумайăшĕнчен ырă сăмахсем илтнĕ.
Эпĕ çапла шутлатăп: эсĕ Тăвай ене юрататăн пулсан, унăн пурнăçĕ, нумай наци халăхĕн культури çинчен пĕлес тетĕн пулсан, районти «Ял ĕçченĕ» хаçат пуриншĕн те чи шанчăклă та кирлĕ тус пулма пултарать.
Чутей ялĕн çыннисен ячĕпе хаçат ĕçченĕсене тата пичет ветеранĕсене 90 çулхи юбилейпе саламлатăп. Пурне те сывлăх, телей, хавхалану, пултарулăхра ăнăçу сунатпăр.
Зинаида ИВАНОВА,
хисеплĕ таврапĕлÿçĕ, Чутей ялĕ
