Кăçалхи майăн 9-мĕшĕнче Аслă Çĕнтерÿ тунăранпа 80 çул çитнине уявланă май, Тăвай округĕн-че те тыл ветеранĕсене юбилей медалĕсемпе чыслаççĕ.
Мучар ялĕнче иртнĕ кунсенче территори уйрăмĕн начальникĕ А.В.Егоров, муниципалитет округĕн пуçлăхĕ О.А.Ломоносов Надежда Григорьевна Горбунована, Анастасия Ивановна Цапинана, Екатерина Николаевна Наумована, Киччĕри Антонина Алексеевна Кашмачкована «Тăван çĕршывăн Аслă вăрçинче çĕнтернĕренпе 80 çул» медальпе наградăланă. Хĕрарăмсем тăваттăшĕ те 90 çултан иртнĕ. Кашни килтех хăнасене ăшшăн кĕтсе илсе ăсатса янă, наградăшăн чĕререн тав тунă.
Валентина ЛАВРОВА,
кĕмĕл волонтер,
Мучар ялĕ
