Пĕтĕм Раççейри вĕренекенсен регион тапхăрĕнчи олимпиадăран ырă хыпар Тăвайри вăтам шкулта хăвăрт сарăлчĕ. 10 класри Виктория Автономовапа София Козлова биологи предмечĕпе республика тапхăрĕнче призерсем пулса тăнă.
Чăваш Республикин тава тивĕçлĕ учителĕн Альбина Петровна Михайлован воспитанникĕ-сем çулленех Федераци шайĕнче те тарăн пĕлĕвне кăтартаççĕ.
Сăмах майăн, иртнĕ эрнесенче кăна-ха Виктория 10 классем хушшинче вырăс чĕлхипе регион çĕнтерÿçи пулнăччĕ. Кăçал вăл Чăваш Ен Пуçлăхĕн стипендине те тивĕçнĕ.
Хĕрачасемпе вĕрентекенĕсене малашне тата та пысăкрах çитĕнÿсем сунатпăр!
Надежда МИХАЙЛОВА, Тăвай шкулĕ
