Иртнĕ канмалли кун хĕрарăмсемпе арçынсем хушшинче шашка ăмăртăвĕсем пулчĕç.
Хĕрарăмсенчен 4 очко илме май пур çĕртен 3,5 очко пухса, пĕрремĕш вырăна Виктория Иванова тухрĕ, иккĕмĕшне унăн амăшĕ Олеся Иванова, виççĕмĕш вырăна Анна Михайлова йышăнчĕç.
Призерсене пурне те харпăр хăй вырăнĕ-семшĕн тивĕçлĕ медальсемпе наградăланă, çĕнтерÿçĕне кубок парса чысланă. Шел, лайăх вылякан Татьяна Обаськина, Надежда Иванова, Лариса Соловьева чемпионата хутшăнаймарĕç.
Арçынсем хушшинче шашкăлла выляса 9 очко илме май пур çĕртен 8 очко пухса, Алексей Косарев çĕнтерÿçĕ пулса тăчĕ. Владимир Семеновпа Юрий Арестов 7-шер очко пухрĕç. Вăйă коэффициентне шута илсе, В.Семенов — иккĕмĕш, Ю.Арестов виççĕмĕш вырăнсене тухнă. Призерсене медальсемпе наградăланă, çĕнтерÿçе — кубокпа.
Февралĕн 16-мĕ-шĕнче район чемпионачĕ иртет. Пĕрер шашистпа шахматист тата пĕр хĕрарăм — шашист вылĕç. Чемпионат «Аль» спорт шкулĕн-че, ирхине 10 сехетре пуçланĕ.
Юрий АРЕСТОВ,
ăмăртусен судйи
