Маммографи туни — кăкăр ракне тупса палăртмалли тĕп меслет. Аппаратпа пăхса 0,5 см пысăкăш шыççа та тупса палăртма пулать. Тăвайри больницăра январĕн 27-мĕшĕнчен пуçласа февралĕн 6-мĕшĕччен Республикăри клиника онкологийĕн диспансерĕн куçса çÿрекен маммографĕ ĕçлерĕ.
анчĕ Марина Гаврилова маларах Куславккара пулнине, 400 ытла çын тĕпчев витĕр тухнине пĕлтерчĕ. Тăвай округĕнче палăртнă тапхăрта 420 хĕрарăма йышăннă Марина Павловна. «Куçса çÿрекен комплекс яла килнипе хуласене тухса çÿремелле те мар. Ку пирĕншĕн, аслăрах çулхисемшĕн, питĕ меллĕ. Профилактика тĕрĕслевĕ-сем тухма май пурри те лайăх»,— теççĕ Тăвайри кĕмĕл волонтерсем.
М.Гаврилова пурне те ăшшăн йышăннă, йăваш калаçнă. Ир-ирех ĕçе пуçăнаканскер автобуспа ялтан 7 сехетчен çитнисене те кĕттерсе тăратман, тÿрех йышăнма пуçланă. Кăмăлĕ-пе хитре те ăшăскер тăвайсемпе часах пĕр чĕлхе тупнă. Пурте ăна тав туса ырлăх-сывлăх, ĕçре ăнăçу сунса сывпуллашнине курма тÿр килнĕччĕ. Çапла Шупашкартан килнĕ специалист нумай хĕрарăмшăн чуна уçса калаçнипе, усăллă канашсемпе пулăшакан çывăх çын пулса тăнă.
Чире иртерех туп- ни çийĕнчех сиплеве пуçăнма май парать. Çакă хĕрарăмсен 98 процентне сывă юлма пулăшать. 40 çултан иртнĕ хĕрарăмсене икĕ çултан пĕр хутчен, 50 çултан аслăраххисене кашни çулах маммографи тĕрĕслевĕ витĕр тухмалли çинчен ăнлантарнă.
Раççей Президенчĕ Владимир Путин пуçарнипе пурнăçа кĕрекен «Сывлăх сыхлавĕ» наци проекчĕн «Онкологи чирĕсемпе кĕрешесси» регион программисемпе килĕшÿллĕн йĕркеленĕ тĕрĕслеве.
Раиса ШУМОВА
