Тушкил ялĕн клубĕнче ятарлă çар операцине хутшăнакансене пулăшса маскировка сеткисем çыхма пуçларăмăр. Вăтам шкулта тепĕр ыр кăмăллăх ушкăнĕ ĕçлет.
Ял халăхĕ килти ĕçсенчен пушансан пулăшу ĕçне васкать. Çавăн пек çынсем пуррипе чăннипех мăнаçланмалла. Ытларах пенсионеркăсем, ĕç ветеранĕсем кунта. Сетка çыхакансем хăйсем те, ял халăхĕ те укçан парса пулăшаççĕ. Материалсемпе клуб директорĕ Н.В.Георгиева тивĕçтерсе тăрать. Тетелсем çыхнă çĕрте лентăна пĕр çĕре пуçтарма ĕлĕкхи ĕç хатĕрĕ — хултăрчă шăпах юрăхлă килсе тухрĕ. Унпа шÿ-ре тунă. Ăса ăшне шĕрене хурса пир тĕртнĕ чухне усă курнă.
«Эпир çыхнă сеткăсем салтаксене хÿтĕлессе шанатпăр, чипер сывă таврăнасса кĕтетпĕр»,— теççĕ тылра çĕршыв умĕнчи тивĕçе чунпа туйса тăракансем.
Таисия ПЕТРОВА,
Тушкилти ветерансен канашĕн председателĕ
