Тăван çĕршыва хÿтĕлекенсен кунĕ умĕн «Асамат кĕперĕ» ача садĕнче Вырăс сали ялĕнчи А.В.Феофановпа тĕлпулу иртнĕ. Хальхи вăхăтра çар çынни тăван ялта хăйĕн çывăх тăванĕсемпе пĕрле отпускне ирттерет.
Тĕлпулăва Раççейри хирĕçтăру точкинче пулнă, халĕ кунта хурал службинче тăрăшакан Вячеслав Лисов салтак-ветерана та чĕнчĕç. Вăл ачасене çар наградисем çинчен каласа пачĕ, служба вăхăтне аса илчĕ.
Тĕлпулу питех те кăмăллă иртрĕ. Ачасем уява малтанах хатĕрленнĕ май, хăнасем умĕнче сăвăсем вуларĕç, патриотла юрăсем юрларĕç. Пултарулăх парнисĕр пуçне СВО участникĕ урлă салтаксем валли воспитательсемпе пĕрле хатĕрленĕ ÿкер- чĕксем, открыткăсемпе çырусем парса ячĕç. Ачасен ашшĕ-амăшĕ- пе педагогсем, ытти ĕçлекенсем вара посылка хатĕрленĕ хамăр ентешсем валли.
Тĕлпулу хыççăн хăйсене тата та çитĕнерех туйрĕç пулĕ шăпăрлансем. Çакăн пек мероприятисем ача-пăчан патриотизм туйăмне вăратаççĕ, воспитани ĕçне тĕрĕс йĕркелеме пулăшаççĕ.
Лариса ФОМИНА,
«Асамат кĕперĕ»
ача сачĕн воспитателĕ
