Яллă территоришĕн Чăваш Енри хĕрарăмсен Союзĕ çак проекта çул панă. Унăн шайĕнче ăнăçлă тата пĕлтерĕшлĕ ĕç пурнăçлакан хĕрарăмсен реестрне туса хуни çинчен пĕлтернĕ-ччĕ хаçатра. Унта пирĕн округран кĕртнĕ Чутейри Татьяна Юркина сыр ăсти чăннипех те тивĕçлĕ çав йышра пулма.
Тăвай тăрăхĕнчи ăнăçлă аталанса пыракан предпринимательсенчен пĕри вăл. 2023 çулта Чăваш Енри çамрăк предпринимательсен конкурсĕн-че «Хĕрарăм бизнесĕ», иртнĕ çул вĕçĕнче «Ĕçлĕ хĕрарăм» номинацисенче çĕнтернĕ. Чăваш Енре иртнĕ Раççейĕн «симĕс ылтăн» фестивале хутшăнса хăйĕн продукцине сĕннĕ, пысăк хаклава тивĕçнĕ. Татьяна Николаевна республикăри хĕрарăмсен Союзĕ ирттерекен «Эпĕ - хĕрарăм» конкурсра та пултарулăхне кăтартнă.
Мĕнрен пуçланнă-ха хуçалăх бухгалтер-экономисчĕн бизнесĕ/
Республикăра Ял хуçалăх банкĕпе Раççей ял хуçалăх министерствин «Фермер шкулĕ» вĕрентÿ проекчĕ ĕçлесе кайнă. Çуралнă ялĕнче пĕчĕк цех уçас шухăшпа хавхаланнă Чутей хĕрĕ, 2021 çулта «Çĕнĕ технологипе сыр хатĕр-лесси» спе-циальноçа алла илнĕ. Патшалăх пулăшăвĕ те пысăк тĕрев пулнă ĕçе пуçармашкăн. Бизнес-проект хатĕрлесе «Перспектива» программăпа 8 млн тенкĕ грант çĕнсе илнĕ. Сĕт юр-варĕнчен сыр тата ытти апат-çимĕç туса илессипе ĕçе пуçăннă. Татьяна Николаевнапа «Çынсем историе хăйсен ĕçĕсемпе тăваççĕ» проект
çырнă чухне паллашнăччĕ. Газ плити çинче пысăк савăтра сĕт вĕретсе сыр пĕçерес ĕçе тинтерех пуçăннăччĕ вăл. Продукцие пĕчĕккĕн суту-илĕве кăларса пухăннă укçа-тенкĕпе оборудовани туяннă, холодильниксем илнĕ. Чĕртаварпа вара паянхи кунчченех «Чутеевский» ЯХПК ?ертÿçи Виталий Гурин% тивĕçтерет ăна. Сыр производствине аталантарса пырса 2023 çулта 7,5 тонна продукци кăларнă.
2024 çулта Тăвай округĕнче иртнĕ Республика кунĕ Татьяна Юркинашăн уйрăмах паллă пулăмпа асра юлнă - Чутей ялĕнче сыр тата унран тĕрлĕ юр-вар хатĕрлемелли цех уçма ЧР Пуçлăхĕ Олег Николаев, ял хуçалăх министрĕ Сергей Артамонов тата ытти хăнасем килсе çитнĕ.
- Пĕчĕк цехрах тутлă сырсем кăларма вăй çитертĕр. Паха çимĕç йÿ- нех мар, паллах. Производствăна инвестицисем хывса пынă май продукци калăпăшĕ те пысăкланса пырать. Ăçта вырнаçтаратăр/- тĕпчетĕп сыр ăстинчен.
- Пĕтĕмпех сутăнса пĕтет. Канашра пĕр лавкка уçнă пĕлтĕр. Часах Шупашкарта суту-илÿ точки ĕçлесе каймалла. Тăвайсене те сĕнетпĕр хатĕр продукцине. Цехра виççĕн ĕçлеççĕ.
2024 çулта 21 тонна продукци туса кăларнă. Умĕнхи çулхинчен виçĕ хута яхăн ÿснĕ юр-вар туса илесси. 2025 çулта 22 тоннăна çитмелле унăн калăпăшĕ.
Ял бизнесĕпе интересленекен çамрăксем çинчен сăмах хускатсан Татьяна Николаевна Канаш, Шупашкар хулисенчен, Вăрмар округĕнчен тинтерех килсе кайнă вĕренекенсене асăнчĕ. Ăсталăх класĕнче сыр пĕçерме вĕрентнĕ. Экскурсие килнисем хăйсем те хутшăннă ĕçе.
- Апла эсир хула ачисене сыр туса кăларассипе интереслентерме пултарнă/
- Сĕт пахалăхне тĕрĕсленинчен пуçласа продукци туса кăларичченех хăйсем куçĕпе курса хакларĕç çак çăмăл мар ĕçе. Астивсе те пăхрĕç,- хуравларĕ Татьяна Николаевна кăмăлтан.
20 ытла сортлă сыр - каччота, кнолле, халуми, «Кубнинский»... - пурте вĕсем «Сыроварня» «Кубнинский» илемлĕ этикеткăсемпе тухаççĕ. Ача-пăчана йогурт килĕшерех парать. Вĕсем те тĕрлĕрен. Чăкăт та кăлараççĕ, типĕтнĕ улма-çырла хушса пĕçернĕ юр-вар лайăх сутăнать.
Апла ăнăçсах пыччăр ĕçĕрсем!
Раиса ШУМОВА
