Чăваш Ен Правительствин кунĕ иртрĕ. Олег Николаев Республика Пуçлăхĕ, Михаил Ноздряков, Дмитрий Краснов, Сергей Артамонов тата Владимир Степанов вице-премьерсем, строительство, архитектура тата çурт-йĕрпе коммуналлă хуçалăх министрĕн тивĕçĕсене пурнăçлакан Владимир Максимов, транспортпа çул-йĕр хуçалăхĕн министрĕн тивĕçĕсене пурнăçлакан Роман Краснов, культура, национальноçсен тата архив ĕçĕсен министрĕн тивĕçĕсене пурнăçлакан Татьяна Казакова район центрне килсе çитрĕç, округ администрацийĕн пуçлăхĕпе Олег Ломоносовпа, вырăнти хăйтытăмлăх представителĕсемпе, халăхпа тĕл пулчĕç.
ăнăрĕ _ ял хуçалăх тытăмĕ çинче никĕсленнĕ экономика. Пирĕн тăрăхра çăкăр тата сĕт-çу юр-варĕ чи пысăк тупăш кӳреççĕ, эппин апат-çимĕç промышленноçĕ малти вырăнта тăрать. Хуçалăхсенче тĕш-тырă, пахча-çимĕç тата çĕр улми ăнăçлă ӳстереççĕ. Выльăх-чĕрлĕх ĕçĕнче вара ĕне, сысна, качака какайĕ, пулă тата сĕт туса илесси малти вырăнта тăрать.
Олег Николаев, Чăваш Ен Пуçлăхĕ, палăртнă тăрăх, Тăвай тăрăхĕ ура çинче çирĕп тăрать. Иртнĕ пилĕк çулта округ пысăк ĕç туни куçкĕрет, анчах ăнтăлмалли тата та нумай-ха. Республикăри Ял хуçалăх министерствин аналитика кăтартăвĕсене пăхас пулсан, Тăвай енре ĕç тухё=лăхне ӳстерме пулать. 100 гектартан ытларах тухăç илме майсем пур. Эппин, чи пысăк çитĕнӳсем тумашкăн еплерех культурăсем акмаллине тĕплĕнрех тишкермелле, туса илнĕ юр-вара вырнаçтармалли меллĕрех çул-йĕре тĕпчемелле тата продукцие тирпейлес тытăмра пурнăçламалли инвестици проекчĕсем пирки шухăшламалла. Çак ыйтусене татса пама, паллах, Чăваш Республикин Аталанăвĕн комплекслă программи те пулăшĕ. Ăна пурнăçлассипе муниципалитет çеç мар, пĕтĕм правительство ĕçлет. Вăл Чăваш Енри кашни çынна ĕçпе тивĕçтерме пултарĕ, унсăр пуçне çакăншăн лайăх шалу илме май парĕ. Паллах, пахалăхлă медицина та, вĕрентӳ те, çӳллĕ шайри культура та тимлĕхрех тăраççĕ.
Олег Николаев Тăвай тăрăхĕн администраци умне темиçе тĕллев те лартрĕ. Тĕслĕхрен, утă уйăхĕччен аталану стратегине палăртма сĕнчĕ. Округ администрацийĕн 2030 çулччен тумалли тĕп ĕçсене палăртмалла, кашни ял аталанăвне чи ăнăçлă çул-йĕрпе илсе каймалла. Пуш уйăхĕн 17-мĕшĕччен вара Ялхуçалăх комплексĕн аталанăвĕн стратегине пурнăçа кĕртме тӳпе хывакан мероприятисен планне çирĕплетмелле. Кăçал сахалтан та 4,8 пин тăваткал метр пурăнмалли çурт-йĕр хута ярас пулать. 9 пин тăваткал метр йышăнакан нумай хваттерлĕ 5 çуртра тĕплĕ юсав ирттермелле. Социаллă пĕлтерĕшлĕ таварсен хакне эрнесерен тишкерсе тăмалла, кану кунĕсенче ярмăрккасем ирттермелле тата округри тавар туса илекенсене «Чувашия БлагоДарит» цифра лапамра вырнаçма пулăшмалла.
2030 çул тĕлне Тăвай тăрăхĕнче 11 инвестици тата 51 инфратытăм проекчĕ пурнăçлас пулать. Вĕсем туризм, строительство тата çурт-йĕрпе коммуналлă хуçалăх, энергетика, транспорт тата çул-йĕр хуçалăхĕн, çăмăллăхсен, сывлăха сыхлас ĕç, физкультурăпа спорт, вĕрентӳ, культура, социаллă тата ĕç, экологи тытăмĕсене пырса тивеççĕ.
Тăвай енре 11 мегапроект пурнăçланать. Вĕсенчен пĕри «Аслă ӳсĕмри çынсене хастар пурнăçпа пурăнма май паракан «Ман социаллă центр» ятлă сеть уçасси» те кĕрет. Вăл аслăрах ӳсĕмри ентешĕмĕрсене тата сусăрсене пахалăхлă тата меллĕ инфратытăмпа тивĕçтерекен проект.
Выльăх-чĕрлĕх тата пулă ĕрчетес ĕçе аталантарасси, ку тытăмри продукцие туса илсе тирпейлесси малти вырăнта тăракан проектсенчен пĕри пулса тăрать. Пысăк ял хуçалăх комплексĕ йĕркелесе Тăвай тăрăхĕ Чăваш Ене те, çĕршыва та апат-çимĕçпе тивĕçтерес ĕçе пысăк тӳпе хывма тытăнĕ.
Чăваш Енри кашни округра, вăл шутра Тăвай енре те, çывăх çулсенче 10 мегапроект пурнăçа кĕме кирлĕ. Вĕсем калама çук пысăк пĕлтерĕшлĕ пулнине калас пулать. Вĕсемпе те кĕскен кăна паллаштарса хăварар-ха.
«Профессионалитет _ Чăваш Ен валли кадрсем». Çак проект пулăшнипе экономикăн тĕрлĕ тытăмне специалистсем явăçтарма май килĕ. Тĕрлĕ ведомство вĕренӳ учрежденийĕсемпе ĕçпе тивĕçтерекенсене килĕшӳсем тума пулăшĕ.
«Вĕрентӳ _ 2030» вара тĕрлĕ тăрăхра паха йышши вĕренӳ учрежденийĕсем тума, пуррисене юсаса çĕнетме, вĕсене хăтлă та илĕртӳллĕ тума май парĕ.
«Пысăк шыв. Каяш шывĕсене тасатакан центрсем тăвасси» проект экологи шайне тата пахарах тума пулăшĕ.
«Ял-салара чи лайăххисем» экотытăм» проект ял тăрăхĕсене аталантармалли чи ăнăçлă меслет пуласси иккĕлентермест. Вăл агроклассемпе агролабораторисен тытăмне йĕркелеме, тĕрлĕ ял хуçалăх вĕренӳ учрежденине тĕллевлĕ майпа кĕме пулăшĕ. Унсăр пуçне пуçару бюджечĕн проекчĕсем те çак шайрах пурнăçланĕç.
Республика шайĕнчи çулсем çинче тĕрлĕ тиевлĕ автомобильсене тĕрĕслесе тăракан ятарлă постсен тытăмĕ пулĕ.
Ачаллă çемьесене пулăшу кӳрекен «Ман çемье центрĕ» ятлă нумай тĕрлĕ ĕç пурнăçлакан ятарлă центрсем пулĕç. Вĕсем чылай çăмăллăхпа тивĕçтерме пултарĕç.
«Культура çурчĕ. Çĕнĕлле» проект вара культура учрежденийĕсене тĕпрен улăштарĕ, вĕсен ĕçĕ-хĕлĕ те пач çĕнĕлле пуласси паллă.
«Чăваш Ен вулавăшĕсем. Перезагрузка». Ку проект еплерех ĕçленине Тăвай халăхĕ ахаль те аван пĕлет. Вулавăшсем татах та ылмашĕç-ха, çĕнĕлĕхсем нумай пăхса хунă.
Правительство кунĕнче округ администрацийĕн пуçлăхĕ Олег Ломоносов Тăвай тăрăхĕ 2020_2024 çулсенче еплерех аталаннине, мĕнле ӳсĕмсем тунине йăлтах каласа панă. Кăтартусемпе, сăмах май, ку номертех паллашма пулать. Унсăр пуçне округ умĕнчи тĕп тĕллевсем çинче те чарăнса тăнă.
Сăмах май, 2020 çултан пуçласа Тăвай тăрăхĕнче нумай кăткăс ыйтăва пурнё=ланё. Тĕслĕхрен, Вăтаялĕнчи Ленин, Чапаев, Шкул урамĕсенче тата Тĕмерти Николаев урамĕнче çулсем тăвас, «Энĕш» _ Кушкă, «Тăвай _ Чутей _ Аслă Кайпăç» _ «Çĕнĕ Ишпуç», Тăвайри Союз урамĕнчи çулсене юсаса çĕнетес ыйтусене татса панă. Тăвайĕнче каяш шывĕсене тасатакан станци тунă, Ленин проспектĕнчи сквера хăтлăх кĕртнĕ. Енĕш Нăрвашри историпе асăну музейне çĕнетнĕ. Тăвай тăрăхĕн Тĕп вулавăшне, Культура çуртне, ӳнер шкулне юсанă. Чӳкçырминче, Нӳшкассинче, Çĕнĕ Ишпуçĕнче клуб тунă.
Умра тăракан тĕллевсем пирки калас пулсан вара малашне те çулсене ла-йăхлатĕç, ĕç ыйтăвĕсене татса парĕç тата Интернетпа усă курмалли майсем ытларах пулĕç.
