Нарăсăн 17-мĕшĕнче Раççей кадет юхăмне йĕркеленĕренпе 293 çул çитрĕ. Тăрмăшри вăтам шкулта 2 кадет класĕ. Çав куна халалласа ятарлă линейка иртрĕ.
Марш кĕввипе Раççей, Чăваш Ен, кадет ялавĕсене илсе кĕнипе уçăлчĕ уяв.
Кадетсене шкул советникĕ Олеся Геннадьевна Матвеева, педагогика ĕçĕн ветеранĕ Вячеслав Сидоров уяв ячĕпе саламларĕç.
«Кадетсем шкулта, муниципалитетра, республикăра ирттерекен мероприятисене хутшăнса малти вырăнсем йышăнаççĕ. Ку пире савăнтарать. Вĕсен çитĕнĕвĕсемпе мухтанатпăр. Малашне те шкул чысне, кадет ятне çÿл-лĕ шайра тытасса шансах тăратпăр»,- терĕ вĕсен ертÿçи Дмитрий Германович Степанов.
Карина КОНОВА,
Тăрмăшри вăтам шкул
