ЧР шалти ĕçсен министрĕ Виктор Шметков пĕлтернĕ тăрăх, иртнĕ çул информаципе телекоммуникаци преступленийĕсем тунă 955 ытла çынна тупса палăртнă. Çакнашкал тĕслĕхсене уçса парасси 13 процент лайăхланнă. Анчах та IT-преступленисен шучĕ çав-çавах пысăк.
Регистрациленĕ мĕнпур преступленисен виççĕмĕш пайне йышăнать вăл. 2024 çулта ултавçăсем республикăра пурăнакансенчен вăрланă укçа виçи 1 миллиард та 177,7 миллион тенкĕпе танлашнă, 2023 çулта вăл 1 миллиард та 154,6 миллион тенкĕ пулнă.
Тăвай округне илсен, IT преступленисен хисепĕ 2024 çулта умĕнхи çулхинчен икĕ хута яхăн ÿснĕ ?2024 – 19, 2023 - 10 преступлени%, вĕсенчен 4 преступленине кăна уçса панă, 29 пин тенкĕ шыраса илме май килнĕ. Телефонпа шăнкăравласа, интернет урлă, ытти майпа улталаса Тăвай округĕнче пурăнакансен 4 млн та 836 пин тенкине çаратнă. Шар курнисем хушшинче ытларахăшĕ 35-44 çулхисем. Çынсене инвестицисемпе усă курса тата укçа хурса пысăк процентсемпе тупăш илме шантарни час-часах тĕл пулать. Ку питех те иккĕленÿл- лĕ пулнине ăнланмаллах.
Çавăнпа та тимлĕ пуласчĕ.
Вениамин ОБАСЬКИН,
Тăвайри полици
уйрăмĕн начальникĕ
