Олег Николаев Чăваш Республикин Пуçлăхĕ Патшалăх Канашĕн сессийĕнче Министрсен Кабинечĕн 2024 çулхи ĕçĕ çинчен тунă отчетран.
Правительство ĕçне пур енлĕ тишкерсе малашлăх тĕллевсем палăртнă. Республикăн пĕрлехи бюджечĕн калăпăшĕ 2023 çулхинчен 13,6 процент хушăнса 121 млрд тенке çитнĕ. Нихçанхинчен пысăк ку. Хамăрăн тупăшсен ÿсĕмĕн хăвăртлăхĕпе республика Атăлçи округĕнче тăваттăмĕш вырăна çĕкленнĕ.
Олег Алексеевич социаллă пурнăçпа экономика аталанăвĕн программине пурнăçласа 4 пин ĕç вырăнĕ йĕркеленине, виçĕ теçетке ытла миллиард тенкĕ инвестици явăçтарнине, 720 ытла инвестици проектне тÿрре кăларнине пысăка хурса хакланă.
Вăтам бизнес йышĕ 2,4 хут пысăкланнă. Паян вĕсем хăй тĕллĕн ĕçлекенсемпе пĕрле 122,2 пинпе танлашаççĕ, 1,5 хут хушăнса 235 пин çынна çитнĕ.
2024 çулта 786 пин тăваткал метр çурт-йĕр хута янă.
17,2 пин социаллă контракт тунă.
Пĕлтĕр 923 пин çын диспансеризаци тухнă — умĕнхи çулхинчен 12 процент нумайрах.
Республикăра спортпа туслисен йышĕ 60 процент. 322 ентеш — Раççейĕн пĕрлештернĕ командинче. 317 пин çын ГТО нормативĕсене пурнăçлама хутшăннă, çак кăтарту Раççейре улттăмĕш.
Олег Алексеевич СВОна хутшăнакансене, вĕсен çемйисене пулăшмалли мерăсем 30-тан иртнине палăртнă.
