Тăван çĕршыв хÿтĕлевçин кунĕ ячĕпе Тăвайри ача-пăча библиотекинче «Вырăс салтакĕ ăспа та, вăйпа та пуян» çарпа патриотла программа иртнĕ.
Ăна Чăваш енри Çĕнтерÿпе патриотизм çулталăкне халалланă, çитĕ-некен ăрăвăн патриотлăх туйăмне ÿс- терес, Тăван çĕршыва юратма хăнăхтарас тĕллевпе йĕркеленĕ.
Чи малтанах ачасене вулавăш ертÿçи уяв историйĕпе паллаштарчĕ. Ачасем кăсăклă викторина ыйтăвĕ-сем çине хуравланă, «Разведчиксем», «Медицина пулăшăвĕ», «Чи ăсли те тавçăрулли», «Салтакăн кану вырăнĕ», «Тĕл перекен çар салтакĕ» конкурссенче ăмăртнă. Ю.В.Михайлов преподаватель ачасене Калашников автомачĕпе паллаштарнă. Ачасем хăйсене чăн-чăн салтаксем пек туйнă, хаваспах ăмăртмалла автомат сÿтсе пуçтарнă. Тĕрлĕ конкурссене хутшăнса пулас салтаксен хăюллă та тавçăруллă пулмаллине, спортпа туслашмаллине, шкулта тăрăшса вĕренмеллине, нумай вуламаллине, Тăван çĕршыва юратмаллине тата хисеплемеллине палăртнă.
Наталия УСЬКИНА,
библиотекарь
