1935 ÇУЛТА ФЕВРАЛĔН 17-МĔШĔНЧЕ ТУХМА ПУÇЛАНĂ (Газета издается с 17 февраля 1935 года)
Четверг, 3 Апрель 2025 г.
28 февраля 2025 г. 9:03

Çамрăксемшĕн тĕслĕх пулĕ

2025 çула Чăваш Енре Çĕнтерÿпе патриотизм çулталăкĕ тесе йышăннă.

Февралĕн 21-мĕшĕнче Элпуçĕнчи вăтам шкулта ятарлă çар операцийĕнче паттăррăн пуç хунă Денис Иванович Никифорова асăнса волейбол турнирĕ иртрĕ.

Денис Никифоров 2024 çулта кăрлач уйăхĕн 13-мĕшĕнче хăй ирĕкĕпе ятарлă çар операцине Раççей Оборона министерствипе контракт çырса кайнă. Ефрейтор званипе 810-мĕш уйрăм гвардин тинĕс пехотинче çапăçнă. Апрель уйăхĕн- че çар заданине пурнăçланă чухне йывăр суранланнăскер Севастопольти госпитальте выртнă. Майăн 3-мĕшĕнче пурнăçран уйрăлнă.

Иртнĕ çулхи ноябрĕн 15-мĕшĕнче Элпуçĕнчи вăтам шкулта Денис Ивановича чысласа Герой партти уçнă.

Шкул директорĕ Л.А.Ка-бакова, Элпуç территори уйрăмĕн пуçлăхĕ А.М.Гаврилов, Тăвай ок-ругĕнчи «Пограничниксен пĕрлĕхĕ» обществăлла организаци председателĕ Г.А.Николаев, Денисăн амăшĕ Татьяна Алексеевна турнира хутшăнакансене ăнăçу сунчĕç.

«Шкул ачисем», «Пограничник ветеранĕсем» тата «Ветерансем» командăсем хушшинче хĕрÿ кĕрешÿ пычĕ. Шкул ачисен çивĕчлĕхĕпе хастарлăхĕ тата ветерансен опычĕ куракансене вăйă вĕçленичченех кăмăл-туйăмне çĕклентерсе тăчĕ.

Турнира хутшăнакансене пурне те дипломсем парса хавхалантарчĕç.

Денис Никифоров Тăван çĕршывăн хăюллă хÿтĕ-левçин çулне суйласа илнĕ. Вăл пирĕншĕн пуриншĕн те ĕмĕр-ĕмĕр паттăрлăх тĕслĕхĕ пулса юлĕ.

Лариса МОИСЕЕВА,

шкул директорĕн

воспитани енĕпе

ĕçлекен советникĕ

Поделиться:
Распечатать