Енĕш Нăрвашри кĕмĕл волонтерсем СВОри салтаксем патне черетлĕ гуманитари пулăшăвĕ пухса ăсатрĕç.
Сергей Николаевич Иванов ăна хăйĕн автомобилĕпе кирлĕ вырăна илсе çитерчĕ. Çакăн пек ырă кăмăллă çынсене пурне те пуç тайса тав тăватпăр. Вĕсене пула кирлĕ япаласем пире хÿтĕлекенсем патне вăхăтра çитеççĕ.
Ăшă та ырă чун-чĕреллĕ Сергей Николаевич пирĕн боецсем патне çула тухма ялан хатĕр. «Эсир гуманитари ĕçне тÿпе хывни - пирĕн хÿтĕлевçĕ-сен чĕрисене ăшăтакан тата чунĕсене çирĕплетекен хаклă пулăшу. Паттăрлăхшăн, ответлăхшăн, хăвăра шеллеменшĕн ырлăх- сывлăх тата чи лайăххине сунатпăр»,- çапла ырă сунса ăсатаççĕ ăна кĕмĕл çÿçлĕ ветеран-волонтерсем.
Хÿтĕлевçĕсене пулăшса Енĕш Нăрвашри вăтам шкулăн вĕренекенĕсем В.П.Степанова тата А.А.Лазарева учительсем ертсе пынипе 55 пачка нÿрĕ салфетка парса ячĕç ку хутĕн- че. Ача садĕнчисем те айккинче юлмарĕç. Ял администрацийĕн, культура çурчĕн, библиотека, музей ĕçченĕсем те пулăшу аллине тăсма ялан хатĕр.
Ялти аслă ÿсĕмри волонтерсем хăйсен кĕмĕл аллисемпе тунă хатĕр- сем - маскировка тетелĕсем, нашлемниксем, окоп çуртисем, рожигсем тата ытти те фронта çитрĕ. Ял çамрăкĕсене те манар мар, вĕсем укçа пуçтарса çапăçури ентешсене мĕн кирлипе тивĕçтереççĕ.
Пирĕн пĕрлехи пулăшу хÿтĕлевçĕ- сене сывă та вăйлă пулма пулăштăр! Вăрçă хăвăртрах пĕттĕр, киле пурте чĕррĕн таврăнччăр. Эпир пурте вĕсемшĕн кĕл тăватпăр.
Çĕнтерÿ пирĕнпе!!!
Светлана МИХАЙЛОВА, ыр кăмăллăх ушкăн ертÿçи, хĕрарăмсен канашĕн
председателĕ
