«Чăваш Енри хĕрарăмсен Союзĕ» общество пĕрлĕхĕн пуçарăвĕпе çĕнĕрен çĕнĕ проектсем пурнăçланаççĕ. Унăн тĕллевĕ - пурнăçри çивĕч ыйтусене татса пама активлăх кăтартакан, ĕçре пысăк çитĕнÿсем тăвакан хĕрарăмсене палăртасси, вĕсене аталанма пулăшасси. Çулленхи йăлана кĕнĕ «Эпĕ - хĕрарăм» конкурсра 2023 çулта Тушкилти хресчен-фермер хуçалăхĕн ертÿçи Надежда Разиновна Федорова «Хамăрăн, Чăваш Енĕн» номинацире гран-при çĕнсе илнине палăртма кăмăллă.
арионов фермер хуçалăхĕ республикăра малтисен йышĕнче. Çемье хуçалăхĕ тĕреклĕ те ăнăçлă ĕçленинче пĕртăвансем пĕрлехи ĕçе хăйсен тÿ-пине хывнинче те пулĕ. Надежда Разиновна пилĕк пĕртăванран пиччĕшĕ хыççăн иккĕмĕш çитĕннĕ пысăк кил-йышра. Профессийĕпе товаровед вăл, кооператив техникумĕнче пĕлÿ илнĕ. Мăшăрĕ Александр Валерьевич 2013 çултанпах хуçалăх управляющин ĕçне туса пырать. 2019 çулта выльăх-чĕрлĕх продукчĕсем туса илессипе хресчен хуçалăхĕ йĕркеленĕ Н.Федорова фермершăн грант çĕнсе илни чăн-чăн пулăшу пулнă. Пултаруллă хĕрарăм производствăна аталантарма малтисен ĕç опычĕпе, технологисемпе паллашнă. Выльăх апачĕ çителĕклĕ, пĕтĕм ĕç çирĕп кун йĕркипе пурнăçланса пырать кунта. Производство объекчĕсене çĕнетнипе пĕрлех хăтлăх çинчен те манмаççĕ. Ĕçпе кану условийĕсене лайăхлатса пыраççĕ. Уйрăм пÿлĕм- сенче выртса канма, телевизор пăхма пулать. Ĕç хыççăн çăвăнса тасалма душевой вырнаçтарнă. Рабочисене столовăй тивĕçтерет.
Ĕç тухăçлăхĕ те курăмлă. Иртнĕ çул ял хуçалăхĕнче усă куракан çĕрсен 100 гектар пуçне аш туса илессипе Н.Р.Федорова хуçалăхĕн кăтартăвĕ округра чи пысăкки, 2023 çулта 16,7 тонна аш-какай туса илнĕ пулсан, пĕлтĕр 27,2 тоннăпа танлашнă.
Чăваш Республикин ял хуçалăх министерствин Хисеп грамотипе, ЧР Патшалăх Канашĕн депутачĕсен Тавĕсемпе, ытти наградăсемпе чысланă ăна.
Мал ĕмĕтлĕ те çĕнĕлĕхсене ĕçе кĕртме тăрăшакан ертÿçĕне кăçал республикăри ăнăçлă тата пĕлтерĕш- лĕ ĕç пурнăçлакан хĕрарăмсен реестрне кĕртнĕ. Унта пирĕн округран 3 хĕрарăм кĕнĕ. «Хĕрарăм - ял управçи» проект Президент гранчĕсен фончĕн укçи-тенкипе ЧР экономика аталанăвĕн министерстви пулăшнипе пурнăçланать. Надежда Разиновна 100 хĕрарăмран тăракан йыша кĕме чăннипех те тивĕçлĕ.
Н.Р.Федорова çемье вучахĕн управçи те. Мăшăрĕ-пе ачисене тивĕçлĕ воспитани парса ÿстернĕ. Асли, Роман, çар ĕçĕпе çыхăнтарнă кун-çулне, Мускав облаçĕнчи çар академийĕнче ?РВСН% контрактпа службăна пурнăçлать. Дария Мускаври патшалăх управленийĕн университечĕн 1 курс студентки. Финанс енĕпе каясшăн.
Надежда Разиновна хăйĕн ĕçĕ-хĕлĕпе округăн экономикăпа социаллă пурнăçне пысăк тÿпе хывнипе пĕрлех ял хуçалăхне çамрăксене ĕçлеме хăварассипе те тимлет. Вăл - Тушкил шкулĕ çумĕнчи шăпăрлансен ушкăнĕнче йĕркеленĕ агролаборатори кураторĕ. Пысăк тиев пулсан та çĕкленÿллĕ кăмăлпа, çутă ĕмĕтсемпе малаллах пăхать ял хастарĕ. Юратнă ĕçрен киленÿ илме, çынсене усă кÿме пултарни, çумра юратнă çемье пурри пурнăçра пысăк пĕлтерĕш- лĕ тесе шутлать.
Раиса ШУМОВА
