Пушартан хăрушши нимĕн те çук. «Вăрă хăйне кирлине анчах илет, пушар нимĕн те хăвармасть»,- тесе ахальтен каламаççĕ халăхра.
Тăвай муниципалитет округĕнче кăçал 2 пушар пулнă. Нарăсăн 20-мĕшĕнче Пуянкассинче вут-кăвар инкекĕнче хуралтăсем çуннă. Тепĕр икĕ кунтан вара Вăтаялĕнче пушарта пĕр çын вилнĕ.
Пушар хăрушсăрлăхĕн йĕркисене çирĕп пăхăнни инкеке сирсе яма пулăшать. Инкек тухас пулсан чи малтанах «01» тата «101» номерсемпе мобильлĕ телефонпа тÿлевсĕр шăнкăравлама пулать.
Николай ПАВЛОВ,
пушар чаçĕн начальникĕ
