Йăнтăрчă территори уйрăмĕнче Çĕршыва хÿтĕ-лекенсен кунне халалланă уявра ял çыннисем Чăваш Республикинчи «Сувар» ОМОН боецĕсемпе тĕл пулнă.
Калаçу терроризмпа экстремизмăн тĕп тупсăмне тата вĕсем обществăшăн хăрушлăх кăларса тăратнине ăнлантарса панă, ыйтусем çине хуравланă.
Пурнăç яланах сыхлăхлă та тимлĕ пулма хистет. Хамăр çĕршыврах тĕрлĕ хуласенчи терактсене пула çĕр-çĕр çын шар курнă. Çавна май пурин те объектсене терроризмран хÿтĕ-лессипе çыхăннă йĕркесене çирĕп пăхăнмаллине асăрхаттарнă.
Çавăн пекех вĕсем ятарлă çар операцийĕнче усă куракан хатĕрсемпе (квадракоптер, тĕрлĕ мина, граната, бронежилетсем) паллаштарнă. Çынсем тумĕсене тăхăнса пăхнă. Культура ĕçченĕ-сем юрăсемпе савăнтарнă.
Çав кунах СВОра пуç хунă Александр Салмин паттăр ячĕпе ирттернĕ волейбол турнирне 4 команда хутшăннă: тăвайсем, йăнтăрчăсем тата пуянкассисен 2 команди. Хĕрÿ кĕрешÿре пуянкассисене çитекен пулман.
Алевтина УСЬКИНА
