«Финанс навигаторĕ» проектпа килĕшÿл- лĕн Тăвайри тĕп вулавăшра финанс пĕлĕвĕн сехечĕ иртнĕ. «Укçасен историйĕ» ят панă Чутей шкулĕнчи вĕренекенсемпе ирттернĕ занятие. Укçа-тенкĕ аталанăвĕн çул-йĕрне паян кунчченех «йĕрленĕ» ачасемпе: йăлана кĕнĕ укçа тухиччен ăна мĕнпе улăштарни, малтанхи укçасем... Çак темăна çутатнă презентаципе паллашнă хыççăн, ачасем укçапа пĕлсе усă курмалли правилăсене аса илнĕ.
Мероприяти вăхăтĕнче Наталья Феоктистован «Монеты мира», «Деньги России» кĕнекисене пăхса тухнă. Кунта Раççей укçа-тенкин пуян истори фончĕ кĕнĕ: вĕсен паллисем, тĕрлĕ иллюстраци ÿкерчĕкĕсем, ăнлантарса панисем. Занятие пĕтĕмлетсе, финанспа пĕлсе усă курни малашлăха тĕрĕс йĕркелеме пĕлтерĕшлине çирĕплетнĕ.
Çавăн пекех калаçу телефон ултавçисен серепине лексе укçа çухатни, мошенниксем ултав меслечĕсене çĕнетсе пыни, кун пек тĕслĕхсенчен сыхланмалли, тимлĕ те асăрхануллă пулмалла çинчен калаçнă.
Юлашкинчен библиотекăн çĕнетнĕ залĕ-сем тăрăх экскурси ирттернĕ.
Татьяна МАНИШЕВА
