Шашкăлла выляссипе округри уçă турнира 17 спортсмен хутшăннă, вĕсенчен виççĕшĕ - спорт мастерĕсем. Ăна Чÿкçырминчи Раççей спорт мастерĕ Алексей Косарев 60 çул тултарнине халалласа ирттернĕ.
Хĕрÿ кĕрешÿре Мускавра пурăнакан спорт мастерĕ Василий Семенов, 16 очко илме май пур çĕртен 15,5 очко пухса, çĕнтернĕ.
Иккĕмĕш вырăнта - Николай Федоров, унăн 14,5 очко. Вăл Патăрьелĕнчен, спорт мастерĕн кандидачĕ. Шупашкарта пурăнакан спорт мастерĕ Юрий Владимиров (14 очко) виççĕмĕш вырăна тухнă.
Пирĕн хисеплĕ юбиляр Алексей Егорович вырăс шашкипе ăмăртса икĕ хутчен Чăваш Ен чемпионĕ пулнă. Кăçалхи 19-мĕш уçă турнира хăй те хутшăннă, 6-мĕш вырăн йышăннă.
Хамăр инф.
