Тăвай ен аталанать,
Тăхăрвуннă тултарать
Йывăрлăхсене çĕнтерсе
Проектсене пурнăçлать
Ялсене илемлетет,
Урамсене якатать.
Пĕвесене тасатать,
Ĕçмелли шыва хаклать.
Тăван ен уй-хирĕнче
Тракторĕ çĕр сухалать.
Тăрăшуллă доярки
Выльăх-чĕрлĕхе пăхать.
Сыватмăшпа шкулсене, Вулавăшпа клубсене,
Ĕçчен алăллă çынсем
Çĕнетеççĕ пикенсе.
Тăвай енĕм, тăван ен.
Ĕçĕ пирĕн пит нумай.
Пурнăçпа пĕр тан утар,
Малаллах эс илсе кай.
Альбина НИКИТИНА
