Тăван çĕршыв хÿтĕлевçисен кунĕ ячĕпе Тăрмăш тата Лачкасси ялĕсенче пурăнакансем февралĕн 23-мĕшĕнче Паттăрлăх монуменчĕ умне пухăннă, чĕрĕ чечексем хунă.
çыннăн сумлă та сăваплă тивĕçĕ.
Раççей çыннисем Тăван çĕршыва кирек хăш саманара та хăюллăн, çи- рĕппĕн тата паттăррăн хÿтĕленĕ, хÿтĕ-леççĕ те. Патриотизмпа çĕршыв хÿтĕ- левçисен çулталăкĕ пулнă май, çак уяв кăçал уйрăмах пĕлтерĕшлĕ. Тăван çĕршыва чунтан парăннине тата ăна хĕрÿллĕн юратнине кăтартакан ырă тĕслĕх»,- терĕ Тăрмăшри çар пĕрлĕхĕн ветеранĕ Вячеслав Гаврилович Сидоров уявпа саламланă майăн.
Малалла ял территори уйрăмĕн ертÿçи Алексей Николаевич Матросов сăмах илчĕ: «Паян эпир, чăн малтанах, чăваш халăхĕн мухтава тивĕçлĕ ывăлĕсене аса илетпĕр. Вĕсем фашизмпа неонацизма хирĕç çапăçăва тухса Тăван çĕршыва тата мирлĕ çынсене хÿтĕлеме çĕкленчĕç. Çар операцийĕ мĕн тăшмана çĕнтеричченех пырĕ. Çавăнпа пирĕн малти ретре çапăçакан çар çыннисене май килнĕ таран пулăшмалла, вĕсен çемйисене ытларах тимлĕх уйăрмалла. Вĕсене халĕ унта çăмăл мар, çавăнпа та хăйсене килте çывăх çыннисем чăтăмсăррăн кĕтнине, вĕсемшĕн пăшăрханнине пĕлсе тăни уйрăмах питĕ пĕлтерĕшлĕ».
Çавăн пекех ялти ветерансен совечĕн ертÿçи Елена Николаевна Матросова та саламларĕ. «Кашни арçыннăн хăй çемйишĕн кил тĕрекĕ, тăванĕсемпе çывăх çыннисемшĕн çирĕп шанчăк пулмалла. Уяв ячĕпе саламласа çирĕп сывлăх, иксĕлми телей, çемьере килĕшÿ, лăпкă пурнăç сунатăп»,-терĕ вăл.
Тăвай округĕнчи депутатсен Пухăвĕн депутачĕ Дмитрий Вячеславович Сидоров, Тăвай округĕнчи пограничниксен общество организацийĕн ертÿçи Геннадий Андреевич Николаев, Александр Алексеевич Платонов предприниматель, шкулта нумай çул военрукра ĕçленĕ педагог-ветеран Михаил Антонович Смолин уява пуçтарăннисене саламласа ăшă сăмахсем каласа тăнăç пурнăç сунчĕç. Тĕрлĕ юрă-кĕвĕ янăраса чуна хумхантарчĕ. Чечек хума ветерансен мăнукĕ-сем те хутшăнчĕç. Çакăн пек мероприятисем ирттерни ачасенче те, аслисенче те патриотизм туйăмне вăйлатать.
Елена МАТРОСОВА, Тăрмăш ялĕ
