«Аль» спорт шкулĕнче арçынсен волейбол командисем хушшинче турнир иртнĕ. Ăна çулсерен В.Г.Васильев паллă спортсмена асăнса йĕркелеççĕ.
Вячеслав Георгиевич Тăрмăш ялĕнче çуралнă. «Янтиковская» МСО ертÿçи пулнă, Кун-çулĕ ытла та ир татăлнă. Апла пулин те хăйĕн хыççăн ырă йĕр хăварнă, спортăн тĕрлĕ тĕсне аталантарма пысăк тÿпине хывнă.
Турнирта 8 команда кубокшăн тупăшнă. Вăйăсен пĕтĕмĕшле кăтартăвĕсем çакăн пек: Тушкилсем - пĕрремĕш, Тăрмăшсем - иккĕмĕш, Енĕш Нăрвашсем виççĕмĕш вырăнсене йышăннă. Тăвай муниципалитет округĕн пуçлăхĕ Олег Ломоносов волейбол вăййисене аталантарма тăрăшакансене, спортсменсене тав тунă.
Мала тухнисене медальсемпе, грамотăсемпе чысланă.
Анатолий КИРИЛЛОВ
