Пирĕн республикăра иртнĕ çул «Çамрăк çемье» программăпа 453 çемье хăйсен çурт-йĕр условийĕсене лайăхлатнă.
— Çурт-йĕр ыйтăвĕ — çамрăк çемьешĕн чи çивĕччи. Эпир ăна татса пама активлă пулăшатпăр. 2024 çулта «Çамрăк çемье» программăпа республикăри 453 çемье хăйсен çурт-йĕр условийĕсене лайăхлатрĕ. Ку кăтарту малтанхи çулхинчен 25 процент пысăкрах. Кăçал та çамрăк çемьесене ку енĕпе пулăшăпăр,— тенĕ Чăваш Республикин Пуçлăхĕ Олег Николаев.
2025 çулта патшалăх пулăшăвĕпе 350 çемье усă курма пултарать. Çак тĕллевпе федераци бюджетĕнче 118,7 млн тенкĕ, республика бюджетĕнче 300 млн тенкĕ тата вырăнти бюджетсенче 110,4 млн тенкĕ пăхса хунă.
Раççей Президенчĕ Владимир Путин хушнипе «Çамрăк çемье» программăна 2030 çулччен тăснă. Вăл «Пурнăç инфратытăмĕ» наци проектне кĕрет.
ЧР Строительство министерстви
