Тăвайри Михайловсен çемйи Пĕтĕм Раççейри хĕллехи ялти спорт вăййисене хутшăнать. Çемье Чăваш Енĕн пĕрлештернĕ команда йышĕнче пĕрре кăна мар республика чысне çÿллĕ шайра хÿтĕленĕ.Пĕтĕм Раççейри стартсем пуш уйăхĕн 13-17-мĕшĕсенче Барнаулта иртеççĕ. Тăван çĕршывăн Аслă вăрçинче çĕнтернĕренпе 80 çул çитнине халалланă ăна, кăçалхипе 12-мĕш хут иртет. Программăра: йĕлтĕрпе чупасси, полиатлон, спорт çемйисен ăмăртăвĕсем, шашка, шахмат, тĕрлĕ енлĕ тупăшусем. Эпир спортпа туслă Екатеринăпа Сергей Михайловсен çемйине ăнăçу, çĕнĕ çитĕнÿсем сунатпăр.
