Пуш уйăхĕн вĕçĕнче
Хресчен килĕ-çуртĕнче
Çуралнă пĕр хĕр пĕрчи.
Çук-тăр урăх ун пекки.
Кукамай пит савăннă:
Тăватă ывăл хушшинче
Тараватлă та теветлĕ
Ĕçчен кăна хĕр ÿсет.
Пилĕк класс пĕтерсенех
Хĕр ача тухать ĕçе.
Кил хуçалăхра ĕçлет,
Хăй лара-тăра пĕлмест.
Çулсем иртеç васкаса,
Вăхăт шăвать чарусăр.
Пулса тăчĕ ман анне
кукамай та асанне.
Анчах шел, кĕтмен çĕртен
Анне ÿкрĕ чирлесе.
Никам та-çке шутламан
çапла килсе тухасса.
Тухтăрĕсем пит маттур,
Чунне пачĕç çĕр те каç.
Анчах пулчĕ кăлăхах,
Вăй кĕмерĕ аннене.
Шăп та лăп çичĕ кунран,
Чир çапса ÿкернинчен
Куçне хупрĕ ман анне,
Шăппăн çеç ĕмĕрлĕхе.
Çĕре кĕни ман аннен
Вăхăт нумаях иртмен.
Чĕрери суран нихçан
Тÿрленес çук халĕ ман.
