Томат калчине эрнере пĕрре шăварсан çитет. Пÿлĕм температурипе танлашакан юр е çумăр шывĕ-пе шăварсан уйрăмах лайăх.
• Пикировка тунă хыççăн 12 кунран калчана удобренипе апатлантараççĕ: 10 л шыва пĕрер кашăк суперфосфат тата кали селитри ярса. Кашни савăта ку шĕвеке çуршар стакан ярсан çитет. Тепĕр 15 кунран иккĕмĕш хут апатлантармалла.
• Урамри сывлăш температури 8-12 градуспа танлашсан калчана пиçĕх- мешкĕн балкон çине, верандăна илсе тухма юрать, чÿ-рече ани çинчех хăварсан форточкăна уçмалла.
• Яланхи вырăна куçарса лартиччен 5 кун маларах калчана апатлантармалла: 10 л шывра çур литр банки чухлĕ ирĕлтернĕ чăх каяшĕ, пĕрер чей кашăкĕ бор кислотипе йÿçĕк кÿкĕрт цинкĕ тата 1 кашăк нитрофоска ярса.
