Мартăн 14-мĕшĕнче пирĕн çĕршывра çуллен православи кĕнекин кунне паллă тăваççĕ, чăннипе вăл — культурăн аслă çăлкуçĕ, пурнăçăн хăватлă учителĕ.
Православи кĕнекин кунĕ — çамрăк праçник, çав вăхăтрах пĕлтерĕшĕ пысăк. Православи кĕнекисем литературăн уйрăм витĕмĕ пулса тăраççĕ. Ку çветтуй пурнăçĕ çеç мар, пачăшкăсен çырăвĕ, вĕсен шухăш-кăмăлĕпе ăс-тăн опычĕ, чиркÿри пурнăç, ачасен воспитанийĕ.
Православи кĕнекин кунне ирттернĕ май, Мучарти вулавăшра тата клубра ĕçлекенсем литературăпа православи сехечĕ — «Православи кĕнекин кунне» йĕркеленĕ. Вулавăшра ĕçлекен Наталия Анатольевна Шибалова çак кĕнеке историйĕ, «Апостол» кĕнеке тухни, православи кĕнекин пĕлтерĕшĕ, çынна кăмăл-сипет воспитанийĕ пани унăн чунĕнче мĕнле йĕр хăварни çинчен каласа панă.
Кĕнеке вула-кансем валли выставка та йĕркеленĕ: Православи кĕнекин чĕрĕ çăлкуçĕ, Православи энциклопедийĕ литературăра, ача-пăча Библийĕ тата ыттисем кĕнĕ.
Валентина ЛАВРОВА, Мучар ялĕ
