Çуркунне кун тăршшĕ кĕскерех, шăпах редис вăрлăхĕ акма меллĕ. Тымар тытăмĕ кун тăршшĕ 10-12 сехет чухне аталанать, кайран вара чечеке тата кĕпçене каять.
Редис вăррине парнике е теплицăна акма юрать. Кун каçипе вăл лайăх ăшăнать. Пĕчĕк те çÿллĕ мар туса панă çĕрте ăшă ирчченех тытăнса тăрать.
Редис вăррине пÿрне сыппи тарăнăшне кашни 5 см хурса тухаççĕ. Парникри кăнтăрлахи температура 14-17 градус, каçхи 10 градус ăшăран сивĕнмен чухне редис аван ÿсет. Температура тăруках улшăнса тăни начар витĕм кÿрет: ăшăра редис çулçи ашкăрать, сивĕ- ре кĕпçене каять.
