Çуркунне çитсен пурнăç çĕнелет, ешĕл сăнĕпе кăмăла çĕклет. Хĕрсемпе хĕрарăмсем, аннесем, асанне-кукамайсем, аппасемпе йăмăксем — чи хитрисем, чи кăмăллисем, сире уяв ячĕпе чунтан саламлас килет. Çурхи хĕвел пайăркисем сирĕн кил-çуртăра савăнăçпа, хаваспа, телейпе, ăшă кăмăлпа тултарччăр.
Сар хĕвел йăлкăшать тÿпере,
Ăшшине сапалать çĕр çине.
Çуркунне савăнать, саламлать,
Этеме ăнăçу вăл сунать.
хаклă çыннăмăрсем. Кашнин пурнăçĕ чи илемлĕ те çепĕç сăмахпа «анне» ячĕпе, унăн иксĕлми юратăвĕпе, чун ăшшипе çыхăннă. Кун çути панисĕр пуçне вăл пурнăç тилхепине çирĕп ăс-тăнпа, тимлĕхпе тытса пырать.
Анне — шанчăк, хÿтлĕх, телей, пуянлăх, тулли пурнăç. Вăл пулсан, кил те ăшă. Эпир, ачисем, лайăх пулсан, унăн чĕри савăнать, вăл телейлĕ. Начар ĕçсем тусан, чунĕ ыратать, кулянать пирĕншĕн. Çÿçĕ те час кăвакарать, пĕркеленчĕк-сем нумайланаççĕ, чирĕ-сем вăйланаççĕ. Çавăнпа аннесене пурăннă чух упрасчĕ!
Темшĕн, ача чухне мартăн 8-мĕшĕ — хĕрарăмсен кунĕ, аннесен уявĕ çеç пек туйăнатчĕ. Открыткăсем çырса саламлаттăмăр аннесене, хамăр алăпа илемлĕ япаласем туса параттăмăр. Аннене пукан çине лартса унăн çумĕнче, хытă ыталаса, пĕр-пĕр хитре юрă юрланă:
Сегодня мамин праздник,
Сегодня мамин день.
Я знаю, мама любит
Гвоздику и сирень.
Но в марте нет сирени,
Гвоздики не найти,
А можно на листочке
Цветы нарисовать!
Ача чухнехине аса илни те тем пек телей парать иккен, халĕ те чуна савăнтарать.
Надежда МИХАЙЛОВА,
Тăвай ялĕ
Çемье альбомĕнчи сăн
ÿкерчĕк. Манăн анне Лидия Михайловна Михайлова Тăвай шкулĕнче нумай çул ачасене вĕрентнĕ, Чăваш Республикин тава тивĕçлĕ учителĕ.
Пуш уйăхĕн 3-мĕшĕнче 93 çул тултарчĕ.
