Тăвай муниципалитет округĕ 90 çулхи юбилейне паллă турĕ. Иртнĕ эрнекун Тăвайри культура çурчĕн фойинче уяв хăнисене «Сурпан», «Тăрмăш» фольклор ушкăнĕсемпе ача-пăча искусство шкулĕн воспитанникĕсем чăваш халăх, тăван ене халалланă юррисемпе тараватлăн кĕтсе илчĕç.
Фойепе диск-залра «История в лицах» сăн ÿкерчĕксен, декоративлă прикладной искусство ĕçĕсен куравĕсене йĕркеленĕ, округра пурăнакансен пурнăçĕпе ĕçĕ-хĕлне музыкăпа литература композицийĕсенче яр уççăн кăтартнă. Çавăн пекех вырăнти культурăпа, ял хуçалăх производствин ÿсĕмĕпе паллашма интерактивлă экспозици зонисем йĕркеленĕ, муниципалитет территорийĕнчи промышленноç предприятийĕсемпе уйрăм предпринимательсем апат-çимĕçпе ытти продукцин куравĕсене тăратнă.
Тăвай округĕнче пурăнакансене паллă юбилейпе саламлама Чăваш Республикин Патшалăх ветеринари службин ертÿçи Александр Шакин, Чăваш Ен Патшалăх Канашĕн депутачĕсем Юрий Зоринпа Леонид Пронин, Шупашкар муниципалитет округĕн пуçлăхĕ Владимир Михайлов,Тăвай ентешлĕх представителĕсем тата ыттисем килнĕ.
Чаплă уяв хамăр ентеш Морис Яклашкин ертсе пыракан Чăваш патшалăх академи капеллин Тăвай округĕн гимне юрланипе уçăлчĕ. Муниципалитет округĕн пуçлăхĕ Олег Ломоносов паянхи сумлă юбилей Тăвай ен аталанăвне 90 çул хушшинче пысăк тÿпе хывнă мĕнпур ăрусен çирĕп-лĕхĕпе ĕçченлĕхĕн тата пĕрлĕхĕн символĕ пулнине палăртрĕ.
1935 çулхи мартăн 1—2-мĕшĕсенче Тăвай ялĕнче рабочисемпе хресченсен, хĕрлĕ армеецсен депутачĕсен пĕрремĕш съезчĕ пулса иртнĕ. Унта Тăвай районĕ йĕркеленни çинчен пĕлтернĕ, унăн управлени органĕ-сене туса хунă.
Район кун-çулĕн кашни тапхăрне видеопрезентаципе паллашса тĕплĕн пĕлме май пулчĕ залра ларакансен. Округ пурнăçĕнче ял хуçалăхĕ тĕп вырăнта. Унăн çитĕнĕвĕсем те куç умĕнчех. Ытти отрасльсен аталанăвĕ те курăмлă. Юлашки çулсенче çул-йĕр строительствине анлăн йĕркелесе пынă. Пуçарулăх проекчĕн программипе, наци проекчĕ-семпе килĕшÿл-лĕн пурнăçланакан ĕçсем округ территорине хăтлăх кĕртме май параççĕ.
Тăвай тăрăхĕ малалла тикĕссĕн аталанса пырать. Унăн ÿсĕмĕ кунта пурăнакан тата ĕçлекен кашни çыннăн çитĕнĕвĕнчен килет. Пирĕн Тăвай тăрăхĕнчен нумай паллă çын тухнă. Вĕсемпе тивĕçлипех мăнаçланатпăр.
Олег Анатольевич Раççей Президентне Владимир Путина тата Чăваш Республикин Пуçлăхне Олег Николаева муниципалитетсен аталанăвне тата халăх кăларса тăратнă пуçарусене татса пама пысăк тимлĕх уйăрнăшăн тав тунă.
Залра халăх тулли пулчĕ. ЧР Ветеринари службин ертÿçи Александр Шакин ентешсене Чăваш Ен Пуçлăхĕн Олег Николаевăн салам сăмахĕсене вуласа пачĕ. Олег Алексеевич хăйĕн саламĕнче Тăвай тăрăхĕ çирĕппĕн малаллах утăмланине, вăл ÿнер аталанăвне пысăк тÿпе хывнине палăртнă, çирĕп сывлăх, çитĕнÿсем суннă.
Уявра сумлă наградăсем чылай пулчĕç. Сывлăх сыхлавĕнче нумай çул тÿрĕ кăмăлпа ĕçленĕшĕн Канашри территорисем хушшинчи медицина центрĕн тĕп врачĕн çумне Татьяна Игнатьевана тата общество ĕçĕнчи активлăхшăн, социаллă пурнăçпа экономика аталанăвне пысăк тÿпе хывнăшăн округри Общество палатин председательне Владимир Шакрова ЧР Пуçлăхĕн Тавĕпе тата ятран панă алла çыхмалли сехетпе чысланă.
Чăваш Республикин Патшалăх Канашĕн депутачĕсем Юрий Зоринпа Леонид Пронин уяв ячĕпе саламласа ăнăçусем суннă май: «Тăвай округĕнче питĕ ĕçчен те ырă кăмăллă, тарават çынсем пурăнаççĕ, тăван килти пекех туятпăр Тăвай çĕрĕ- çине кĕрсен»,— терĕç хавхалануллăн. Чăваш Патшалăх Канашĕн Хисеп грамотипе Тавне тивĕçнисен хушшинче сумлă та ĕçре хастар çынсем пулчĕç: округри ĕçпе вăрçă ветеранĕ-сен Совечĕн председателĕ Римма Гурина, «Тăвай çăкăрĕ» общество директорĕ Татьяна Обаськина, Тушкил территори уйрăмĕн начальникĕ Александр Трофимов.
РФ Патшалăх Думин депутачĕн Алла Салаеван Тав хутне Тăвай шкулĕн-чи технологи учителĕ Алина Арапова, «Турмыши» ТОС председателĕ Игорь Афанасьев, доброволецсен активисчĕ Эдуард Буинцев, «СтройТЕК» общество директорĕ Артем Васильев, ХФХ ертÿçи Сергей Михайлов, Тăвай чиркĕвĕн настоятелĕ Георгий (Юрий) Алексеевич Пе- тров протоиерей тивĕçнĕ.
«Единая Россия» политика партийĕн вырăнти уйрăмĕн ĕçне тата обществăпа политика пурнăçне хастар хутшăннăшăн Любовь Андреева библиотекаре (Тăрмăш), Тушкил территори уйрăмĕн специалист-экспертне Любовь Константинована, Йăнтăрчăри культура çурчĕн директорне Эльза Николаевана Тав çырăвĕпе хавхалантарнă. РФ Патшалăх Думин депутачĕн Анатолий Аксаковăн Тав çырăвне Тушкилти ХФХ ертÿçи Дмитрий Алексеев, «Аль» спорт шкулĕн тренерĕ Сергей Михайлов тата Денис Федоров предприниматель тивĕç пулнă.
ЧР ветеринари службин ертÿçи А.Шакин АПК аталанăвне пысăк тÿ-пе хывнăшăн, ветеринари службинчи çитĕнÿсемшĕн выльăх-чĕр-лĕх чирĕсемпе кĕрешекен станцинчи ветеринари врачĕсене Татьяна Максимовапа Раиса Никитинана ЧР Ял хуçалăх министрĕн Тав хутне пачĕ.
Муниципалитет пуçлăхĕ Олег Ломоносов округ экономикипе социаллă пурнăçне пысăк тÿпе хывнă хастарсене «Тăвай муниципалитет округне — 90 çул» юбилей медалĕпе чыслани те тĕп самант пулчĕ.
Çак сумлă наградăна Алевтина Алексеева, Владимир Ванерке, Анатолий Алексеев, Иван Гурин, Иван Дмитриев, Виктор Дмитриев, Николай Фомин, Геннадий Иванов, Николай Казаков, Владимир Михайлов, Вениамин Обаськин, Анатолий Салканов, Валентина Трифонова, Надежда Черкесова тивĕç пулчĕç. Çавăн пекех медальпе СВО участникĕсене Сергей Германова, Сергей Николаева, Александр Феофанова чысларĕç.
Сывлăх сыхлавĕнче нумай çул тÿрĕ кăмăлпа ĕçленĕшĕн Тăвай поликлиникинчи Альбина Самарина медсестрана, «Централизациленĕ библиотека системи» учрежденине культура аталанăвне тÿпе хывнăшăн округ администрацийĕн Хисеп грамотипе наградăланă. Краеведени юхăмĕн активисчĕ Елена Ильинапа Чăваш патшалăх филармонийĕн аранжировщикĕ Александр Павлов округ пуçлăхĕн Тавне тивĕçнĕ.
Çитĕнекен ăрăва патриотла воспитани пама пысăк тÿпе хывнăшăн тата общество пурнăçĕнчи активлăхшăн педагогика ĕçĕн ветеранĕсене Зинаида Ивановапа Вячеслав Сидорова, çавăн пекех тÿрĕ кăмăлпа ĕçленĕшĕн тата округ аталанăвне пысăк тÿпе хывнăшăн Мучар территори уйрăмĕн начальникне Артем Егорова, Тушкил шкулĕн директорне Елена Емельянована, округ администрацийĕн пуçлăхĕн çумне Ирина Михайлована Тăвай ентешлĕхĕн Тав çырăвĕ-пе хавхалантарнă. Пархатарлă та сăваплă ĕçшĕн, ятарлă çар операцийĕн- чи çар çыннисене гуманитари пулăшăвĕпе тивĕçтерес ĕçе активлă хутшăннăшăн Александр Александрова, Сергей Иванова, Николай Николаева, Константин Николаева Тăвай ентешлĕхĕн Тав çырăвĕпе чысланă.
Ятарлă çар операцийĕнчи ентеш хÿтĕлевçĕсем видео мелĕпе тăвайсене юбилей ячĕпе хĕрÿллĕн саламлани кашнин чун-чĕрине хускатрĕ: «Çуралса ÿснĕ кĕтес пуринчен те хаклă. Эсир тылра пулăшса пынине туйса тăратпăр. Тăван çĕрте ÿснĕ çĕрулмийĕ те, сĕчĕ те тутлă. Эпир çĕнтеретпĕ-рех!» Çак сăмахсем хыççăн пурте ура çине тăрса тăвăллăн алă çупрĕç. Пурне те чĕрĕ-сывă таврăнма сунчĕç залра ларакансем.
Чăваш Енри хĕрарăмсен юхăмне активлă хутшăннăшăн терапи уйрăмĕн медсестри Алена Александрова, «Чăваш Енри хĕрарăмсен Союзĕн» Тăвайри уйрăмĕн председателĕ Татьяна Иванова, Лидия Мосина ача-пăча врач стоматологĕ, ял хуçалăх пайĕн специалист-эксперчĕ Надежда Никифорова, «Ял ĕçченĕ» хаçат редакцийĕн кăларăм редакторĕ Раиса Шумова хĕрарăмсен Союзĕн Президиумĕн членĕн, Тăвайĕнче çуралса ÿс-нĕ Надежда Черкесова
