Пирĕн пурнăçра тĕлĕнмелли тем чухлех. Сăмахăм паян асамлă «ПАТШАСЕНĔН ПАТША АМĂШĔ» турăшĕ пирки пулĕ.
Вырăссем ăна ВСЕЦАРИЦА теççĕ. Çак асамлă вăй-хал парса тăракан турăша Элпуç ялĕн «Хусанти Турă амăшĕ Турăшĕ» ячĕпе хисепленсе тăракан чиркÿре курма пулать. Ăна аякри Грецирен Афон сăрчĕсем çинчи монастырьтен илсе çитернĕ.
Афон сăрчĕсем вĕсем — Турă амăшĕн чи малтан суйласа илнĕ сăваплă вырăнĕ. Кунта кунĕпе те çĕрĕпе монахсем кĕлĕсем вулаççĕ. Таса Турă амăшĕн турăшĕ-сем унти мăнастырьсенче хăйсен хăвачĕпе çынсене тĕлĕнтереççĕ. Сăмах май, таса Афон сăрчĕсем çине арçынсем çеç кайма пултараççĕ.
Турă амăшĕ хĕрлĕ тĕслĕ çи-пуçпа, аллинче — ХРИСТОС ТУРĂ, тепĕр аллипе ТУРĂ АМĂШĔ ЫВĂЛĔ çине тĕллесе кăтартать. Ку ТУРĂ АМĂШĔн турăшĕ патне çынсем тĕрлĕ чир-чĕртен, уйрăмах рак чирĕнчен, ачисем эрех-сăра, наркотик капкăнне çаклансан çăлăнăç шырама килеççĕ. Кашни чиркÿрех, ăçта çак турăш сăнарĕ пур, асамлă сывату летопиçне йĕркелесе пыраççĕ.
Элпуç ялĕн чиркÿне ПАТШАСЕНĔН ПАТША АМĂШНЕ кĕлтума килĕр. Çăлакан Турă хăвачĕ сире те çиттĕр, ТУРĂ АМĂШНЕ кĕлтунипе.
Элпуç ялĕн «Хусанти Турă Амăшĕ турăшĕ» ячĕллĕ чиркÿ настоятелĕ ВАСИЛИЙ атте
