АПК ветеранĕсен округри уйрăмĕнче ĕçтешсене паллă кунсемпе саламласси ырă йăлара. Мартăн 3-мĕшĕнче, акă, уйрăм ертÿçи Н.И.Иванов союз членĕсемпе пĕрле, Тăрмăш ялĕнче пурăнакан Владимир Васильевич Федорова 75 çулхи юбилейпе саламланă.
В.В.Федоров Тăрмăш ялĕнче çуралса ÿснĕ, кунтах сакăр класс пĕтернĕ. Каçхи шкулта вăтам пĕлÿ илнĕ. Ытти чăваш каччи пекех, ят тухсан, çар ретне тăнă. Служба çулĕсем Азербайджан çĕршывĕн тĕп хулипе — Бакупа çыхăннă унăн. Сывлăш çар десанчĕн чаçĕн- че пулни Владимира вăй-хал, кăмăл-сипет енĕпе çирĕп- ленме май панă. Çирĕм çичĕ хутчен парашютпа сикме тивнĕ патвар Тăрмăш каччин. Служба вăхăтĕнче вăл наградăна тивĕçнĕ. «За воинскую доблесть. В ознаменование 100-летия со дня рождения В.И.Ленина» медаль илемлетнĕ унăн кăкăрне.
Магнитогорскинче механизатор спе-циальноçне алла илнĕ çамрăк тăван колхозра хăйĕн ĕç биографине пуçланă. Пултарулăхне кура ăна каярах бригадир пулма уйăрса лартнă. Чăваш ял хуçалăх институтне пĕтерсен, агроном-семеновод ĕçне кÿлĕнет. Тăван уй-хирсем тăрăх сахал мар утма тивнĕ çамрăк специалистăн. Ленин ячĕпе хисепленекен колхоз районта чи вăйлисен шутĕн-че пулнă, производство кăтартă- вĕсем çуллен-çул ÿссе пынă. Çакăнта тĕп агроном тÿпи те пĕчĕк мар, паллах. Колхоз ĕçченĕ-семпе пĕр чĕлхе тупнă, час-часах трактор паркĕн- че, йĕтем çинче, уй-хирте пулнă. Владимир Васильевич колхоз ертÿçинче те тÿрĕ кăмăлпа тăрăшнă. Ял-йышра пысăк хисепре.
Тăвайри тĕп больницăн терапи уйрăмĕн- че вăй хунă мăшă- рĕпе Любовь Михайловнапа, икĕ ывăлпа хĕрне кун çути парса, çĕршыва юрăхлă çынсем тунă. Ывăлĕсем ялтах тĕпленнĕ, хĕрĕ çемйипе Шупашкарта ĕçлесе пурăнать. Виçĕ мăнукĕ — хисеплĕ мăшăршăн чун киленĕçĕ. Тивĕçлĕ канури ветерансем килти хуçалăхра тăрăшаççĕ, пахчаçимĕç ÿстереççĕ, кайăк-кĕшĕк тытаççĕ.
В.В.Федоров АПК ветера- нĕсен йышĕнче тăрать, унти ĕç-пуçа кăмăлпа хутшăнать. Юлташĕсем ăна çирĕп сывлăх, иксĕлми вăй-хал, ăнăçу суннă.
Людмила ПАВЛОВА
