Кăçалхи оборонăпа массăллă тата спорт уйăхлăхне Чăваш Енре Çĕнтерÿ-пе патриотизм çулталăкне, Тăван çĕршывăн Аслă вăрçинче çĕнтерÿ тунăранпа 80 çул çитнине халалланă.
Çарпа патриотла воспитани парассипе çыхăннă уйăхлăх вĕçленчĕ. Округри шкул ачисем хăйсен пултарулăхне чылай тупăшура кăтартрĕç. Вĕсен шутĕнче çамрăк çул-йĕр инспекторĕ-сен (ЮИД) ăмăртăвĕ те çивĕч шайра иртрĕ.
8 шкул команди икĕ енĕпе тупăшрĕ: пăшалтан перессипе тата велосипедпа фигурăсем туса ярăнассипе.
Пĕтĕмĕшле итогсем тăрăх, 1-мĕш вырăна Совет Союзĕн Геройĕ П.Х.Бухтулов ячĕллĕ Тăвай шкулĕн команди çĕнсе илчĕ. Артур Аделсонпа Максим Андриянов вĕренекенсем чăннипех те маттур пулчĕç. Иккĕмĕш вырăнта — Тăвайри ача-пăча аталану центрĕнче хушма пĕлÿ илекен çамрăк инспекторсен командинчи Кирилл Михайловпа Егор Хаймулин (икĕ командин ертÿçи те Ю.В.Михайлов). Виççĕмĕш вырăна Тушкил шкулĕ çĕнсе илчĕ (ертÿçи Н.Ф.Давыдов).
Юрий МИХАЙЛОВ, Тăвайри
ача-пăча аталану центрĕн хушма пĕлÿ парассипе ĕçлекен педагогĕ
