Майăн 26-мĕшĕчен республикăри муниципалитетсенчи машинăпа ĕне сăвакан ăстасен конкурсне ирттерессине вĕçлеççĕ тата Пĕтĕм Раççейри «Профессире чи лайăххи» конкурсăн регион тапхăрне хутшăнмашкăн зоотехнири чи лайăх специалистсене суйласа илĕç.
Конкурс июнĕн 11-мĕшĕнче Патăрьел округĕн-че вырнаçнă «Исток» агрофирмăра иртĕ. Унта хутшăнас текенсен июнĕн 5-мĕшĕччен «Раççейри ĕç» пĕрлехи цифра платформинче регистрациленмелле. Регион тапхăрĕнче çĕнтернисем Пĕтĕм Раççей шайĕнче ăсталăх енĕпе тупăшĕç.
Пирĕн округран конкурса Екатерина Геннадьевна Георгиева машинăпа ĕне сăвакан оператор («Акконд-агро фирма» АО) тата Наталия Геннадьевна Григорьева зоотехник (асăннă предприятиренех) хутшăнаççĕ.
Надежда НИКИФОРОВА
