Раççей Федерацийĕн прокуратури шкул ачисемпе студентсем хушшинче «Вместе против коррупции!» конкурс ирттерет.
Унăн тĕллевĕ — çамрăк ăрăва коррупци проблеми çине тимлĕх уйăрма вĕрентесси, ачасемпе çамрăксен пуçарулăхне хавхалантарасси, коррупцие хирĕç кĕрешессинче влаç органĕсемпе общество пĕрле ĕçлессине практикăна кĕртесси. Заявкăсене 2025 çулхи октябрĕн 25-мĕшĕччен йышăнаççĕ.
Конкурсăн çурма финалĕпе финалĕ октябрĕн 25-мĕшĕпе ноябрĕн 25-мĕшĕнче иртет.
Мероприяти виçĕ номинацире — «Чи лайăх плакат», «Чи лайăх ÿкерчĕк», «Чи лайăх видеоролик» — иртет, çĕнтерÿçĕсене 10—15, 16—20, 21—25 çулсенчи ÿсĕм категорийĕсенче палăртаççĕ.
Конкурс ĕçĕн ячĕ, ăнлантарса çырни пулмалла.
Конкурс çинчен тĕплĕнрех www.anticorruption.life сайтра паллашма пулать.
Çĕнтерÿçĕсене декабрĕн 9-мĕшĕнче, коррупципе кĕрешмелли кун, чыслаççĕ.
Светлана НИКОЛАЕВА,
округ пуçлăхĕн çамрăксен ыйтăвĕсемпе ĕçлекен советникĕ
