Чăваш Енре çичĕ километр вăрăмăш çĕнĕ экосукмак тунă.
Вăл Сĕнтĕрвăрри хулинчен пуçланать те Атăлăн сылтăм çыранĕпе Водолеево усравлăхне илсе çитерет. Малашне çак экосукмак пысăк туризм маршручĕн пĕр пайĕ пулса тăрĕ. «Çывăх вăхăтрах эпир кунта круиз лайнерĕсене кĕтсе илмешкĕн тата ытти регионтан килекен хăнасене республикăмăрăн культура пуянлăхĕпе паллаштармашкăн причал стени тума палăртатпăр»,— пĕлтернĕ ЧР Министрсен Кабинечĕн Председателĕ Сергей Артамонов.
