Çурхи ака-суха ĕçĕсем вĕçленнĕ хыççăн чăвашсен авалхи йăли-йĕркипе Тăвай тăрăхĕнче Акатуй уявне пуçтарăнаççĕ. Кăçалхи çуркунне ир килчĕ, ака ĕçĕсем те маларах вĕçленчĕç. Пулас тухăçăн никĕсне хывса хăварнă ĕнтĕ.
Акатуй халичченхи уяв иртекен вырăнтах — спорткомплекс территорийĕнче июнĕн 12-мĕшĕнче иртет. Программăра ĕçре палăрнисене чысласси, пултарулăх ăстисен концерчĕ, спорт ăмăртăвĕсем. Йĕркелÿ комитечĕн ларăвне округ пуçлăхĕ Олег Ломоносов ертсе пынă.
Уяв савăнăçлă лару-тăрура 11 сехетре уçăлать.
