Кăçал республикăра 5 пин ача 11-мĕш, 15 пин ача 9-мĕш классенчен вĕренсе тухаççĕ. Çу уйăхĕн 24-мĕшĕнче Чăваш Енри чи пултаруллă 800 вĕренекен И.Н.Ульянов ячĕллĕ Чăваш патшалăх университечĕн культура керменне пухăннă.
Шкултан вĕренсе тухакансен йышĕнче П.Х.Бухтулов ячĕллĕ Тăвайри вăтам шкулти 7 ача пулнă.
Пурнăçăн анлă çулĕ çине тухма хатĕрленекенсене Чăваш Ен Пуçлăхĕ Олег Николаев, РФ Патшалăх Думин депутачĕсем Анатолий Аксаков, Алла Салаева, ЧР Патшалăх Канашĕн председателĕ Леонид Черкесов саламланă, килĕшекен професси суйласа илсе малашне вĕренме кĕме ăнăçу, телей суннă.
Надежда МИХАЙЛОВА, Тăвай шкулĕ
