Çĕртме уйăхĕн 22-мĕшĕнче, астăвăмпа хурлăх кунĕнче, Тăван çĕршывăн Аслă вăрçи пуçланнă куна асра тытса Тăвай ялĕнче пурăнакансем «Çĕршыв хÿтĕлевçисене» стела умне пухăннă. Патриотлăх акцийĕнче паттăрсемпе мăнаçланнине, асра тытнине палăртнă.
Çавăн пекех округри предприяти-учреждени, общество пĕрлĕхĕн представителĕсем, шкул ачисем, волонтерсен центрĕн хастарĕсем хутшăннă. Палăк умне чĕрĕ чечексем хунă, çуртасем çутнă.
