Тушкилти вăтам шкулта вырнаçнă ыр кăмăллăх центрне чун-чĕре хушнипе пуçтарăнаççĕ ял хастарĕсем. Коллектив пысăках мар, апла пулин те тĕрлĕ енĕпе пысăк пулăшу кÿреççĕ салтаксене.
Паллах, çу кунĕсем хĕрÿ ĕçсен тапхăрĕ: утă çулса пуçтармалла, пахчасене тасатмалла тата ытти те. Елена Емельянова директор пуçтарăнма хушсан, никам та килте ĕç нумай тесе тăмасть. Акă, икĕ кун хушшинче 4х6 м виçеллĕ маскировка тетелне çыхса пĕтертĕмĕр. Хÿтĕлев хатĕрĕсем салтаксене кирлĕ, хĕç-пăшала та, ыттине те витсе упраççĕ. Çакна ăнланса тăрăшаççĕ волонтерсем. Ятранах асăнас килет вĕсене — Евросия Яковлева, Надежда Федорова, Галина Павлова, Галина Константинова, Фрида Никитина, Лидия Алексеева, Зинаида Кириллова пек пуласчĕ ыттисен те.
«Ку тетел юлашки пултăрччĕ, часрах çĕнтерÿ çиттĕрч- чĕ»,— терĕç паян та, акă, ĕçе вĕçленĕ май.
