«Аль» спорт шкулĕн лапамĕнче Пĕтĕм тĕнчери наркоманипе кĕрешмелли куна халалласа муниципалитет округĕнчи çамрăксен çуллахи спартакиади иртнĕ.
Унăн тĕллевĕ — спортпа хастар пурнăç йĕрки сывлăхпа телейшĕн пĕлтерĕшлĕ пулнине кăтартасси. Ăмăртăва Тăрмăшпа Тăвай территори уйрăмĕсен, Çĕнĕ Пуянкасси, Элпуç шкулĕсен, Тăвай больницин тата округри çамрăксен правительствин — пурĕ 6 команда хутшăннă.
Спартакиада программинче тĕрлĕ тупăшу пулнă: граната ывăтасси, вĕрен туртасси, эстафета, вăй гимнастики, волейболла вылясси.
Хĕрÿ кĕрешÿре Тăвай территорийĕнчи спортсменсем пуринчен вăйли пулнине кăтартса панă. Иккĕмĕшпе виççĕмĕш вырăнсенче — Тăрмăш территори уйрăмĕпе Çĕнĕ Пуянкасси шкулĕн командисем.
