«Татах килĕр, ырă сунса кĕтетпĕр»,— тесе ăсатаççĕ «Тăвайри кооператив» потребобществăн «Дружба» кафери Т.П.Соколовапа Р.В.Николаева поварсем апат çиме пыракансене.
«Тутлă апачĕсĕр пуçне, ăшă кăмăл-туйăмĕпе те хăйсем патне туртаççĕ»,— теççĕ тăтăшах кунта апатланма çÿрекенсем.
Татьяна Петровна — ĕç стажĕпе аслăраххи. Кармал хĕрĕ Шупашкарти кооператив техникумĕн-че вĕренсе специальноç илнĕ. 2001 çултанпах тивĕçтерÿ сферинче. Раиса Васильевна поварпа пĕр-пĕрне çур сăмахранах ăнланаççĕ. Апат пахалăхне малти вырăна хураççĕ.
Раиса Николаева — кÿршĕллĕ Канаш тăрăхĕнчен. Вунă çул ытла обществăлла апатлану тытăмĕнче, чун-чĕре туртнипе суйланă çак профессие.
Валентина Валериановна Кузьмина савăт-сапа çăваканăн ĕçĕпе кăмăллă вĕсем. Туслă коллектива çынсен шухăш-кăмăлне, сĕнĕвĕсене шута илсе ĕçлени те куллен пулăшса пырать.
